npv 狗狗訓練班
我哋一家四口期待已久嘅訓練班終於都喺星期日上咗啦！
點知一去到就發現，原來我哋報錯咗個 bb 班，因為除咗我哋兩兄弟同埋藍藍diamond兩公婆之外，其他全部都係細99，貴婦同埋有好多阿屎囉！佢哋不停喺度吠吠吠，老豆即刻話帶漏咗個耳塞...
跟住阿sir就入嚟啦..首先安排座位，阿sir 話: "咬人嘅坐呢度，咬狗嘅坐嗰度，又咬人又咬狗嘅就坐中間..." 弊！咁我哋呢d咁乖嘅坐邊樹好呢，媽咪話唔怕，因為我哋比咗錢一定有位坐嘅 =,='
上完堂，其實都冇咩學咗，不過牛耳kock出去做示範嘅時候就食咗個下午茶囉！條茂利阿sir係咁比嘢佢食，仲同老豆講話教埋佢come，老豆即刻 O 哂咀，鬼唔知有嘢食識come咩！
阿sir做完一輪棟篤笑之後，仲話今日比佢教過d狗狗起碼會乖兩日喎，點知話口未完佢哋已經開緊拖啦...哈哈哈
上完兩個鐘嘅堂之後，daddy媽咪話︰嗰四舊水當做善事囉....
上堂前喺petmax飲定啖水抖下先~~
真係去屋企留下玩下好過~~
大頭怪狗呀~~
攪完破壞，媽咪又要清理現場喇~~
