JayJay’s blog

我哋個blog搬咗去yahoo啦

請移玉步到︰http://hk.myblog.yahoo.com/natnat-blog

感激十家對我一路以嚟嘅支持，今後我會繼續努力.......(下刪一千字)

我哋一家四口期待已久嘅訓練班終於都喺星期日上咗啦！
點知一去到就發現，原來我哋報錯咗個 bb 班，因為除咗我哋兩兄弟同埋藍藍diamond兩公婆之外，其他全部都係細99，貴婦同埋有好多阿屎囉！佢哋不停喺度吠吠吠，老豆即刻話帶漏咗個耳塞...
跟住阿sir就入嚟啦..首先安排座位，阿sir 話: "咬人嘅坐呢度，咬狗嘅坐嗰度，又咬人又咬狗嘅就坐中間..." 弊！咁我哋呢d咁乖嘅坐邊樹好呢，媽咪話唔怕，因為我哋比咗錢一定有位坐嘅 =,='
上完堂，其實都冇咩學咗，不過牛耳kock出去做示範嘅時候就食咗個下午茶囉！條茂利阿sir係咁比嘢佢食，仲同老豆講話教埋佢come，老豆即刻 O 哂咀，鬼唔知有嘢食識come咩！
阿sir做完一輪棟篤笑之後，仲話今日比佢教過d狗狗起碼會乖兩日喎，點知話口未完佢哋已經開緊拖啦...哈哈哈
上完兩個鐘嘅堂之後，daddy媽咪話︰嗰四舊水當做善事囉....

上堂前喺petmax飲定啖水抖下先~~

媽咪比人炸型話好耐都冇寫blog喎...唉！真係多fans嘞！為咗報答各位嘅支持，比d靚相過你睇下啦！
尋晚同咗daddy 媽咪去咗食飯，係睇住daddy 媽咪食飯，仲要行咗鬼死咁遠去到紅磡碼頭嗰間露天bar~~

牛耳kock 竟然咁大胆咬哥哥
隻洛威好惡呀~~
其實我哋兩兄弟好好感情ka
不過為咗罰佢成日扮惡，我唔比舊骨骨佢咬，睇下佢d眼神幾可憐...係呀..鬼叫你唔乖，我今次唔會讓你ka 啦...你玩你個衛星啦~~

尋日我哋一家四口去咗洛威會喺大網仔嘅活動，超級多威威，同埋都有d金金嘅，原來細佬第時大個咗會咁大份ka，不過都係細佬最乖最靚最可愛 (媽咪話嘅...)

爸爸個口仲大個牛耳kock~~

媽咪又捉住我唔比我去玩~~

大合照呀！搵唔搵到我哋呀！?

仲有好耐都冇影過嘅全家幅，今次仲有好靚background~~

嘩！媽咪超級懶！原來成兩個幾月冇寫過blog，好彩佢淨係寫blog懶，平時開飯同埋帶我哋去街街都好準時…

細佬三月頭去咗打第四針lu，仲打埋晶片tim，我哋兩兄弟依家都有新份證啦！嗰日磅重嘅時候，細佬已經重過我啦…佢有成58磅，我先至得56磅，真係要食多d嘢至得！

上個禮拜去西貢玩，媽咪竟然叫牛耳kock拖住我，勁冇面~~

細佬喺醫生枱上面準備打針針~~

診所門外留影~~

兩兄弟又爭玩具~~

新年嘅時候，又有利是，又有得入屋拜年~~

今日媽咪請我哋食牛根骨，細佬食得超快，然後望住我食，我梗係慢慢食引下佢啦~~~

呢排唔知點解咁多街街去，仲要係日光日白而唔係黑媽媽，好似話daddy媽咪又放假喎，尋日我哋又同咗藍藍姐去咗公園玩，跟住仲去埋shopping tim，最後又係攰到唔願郁，返到屋企連食嘢都冇乜胃口，要分開兩次食...

今次我哋玩草地，可以喪跑d腳趾都唔痛~~~

大合照~~

兩兄弟合照~~ 本來坐定定一齊影，後尾做咗"攝石人"~~ 夜晚行行下街好攰，喺人哋鋪頭門口趴低想瞓~~

老豆同媽咪尋日帶我同細佬去咗梅窩+大澳，又搭船又搭車連大飛都坐埋，暈完又暈，細佬仲嘔到老豆成身都係tim...

第一次搭船船

同藍藍姐一齊坐定定影嘅

又一張全家幅，今次終於唔駛兩眼發青光啦 daddy媽咪開飯 佢哋食飽飽，就要我哋一齊行去大澳，中途梗係要抖一抖再行啦！後尾真係行唔到，要爸爸抱... 我哋係苦命嘅乞兒狗~~ 坐大飛，大家請留意，細佬 嘔ing

聖誕節daddy 媽咪帶咗我哋去燒雞翼，不過有得睇冇得食嘅，仲要全程綁住，好彩有藍藍姐陪...

我哋終於有張靚靚全家幅啦!! 真係要唔該哂shirley姐姐

仲有d綁住影嘅相><

媽咪好忙，所以好耐冇寫blog，不過發生咗好多嘢wo，例如我肚痾咗兩日，老豆帶咗我去睇醫生，點知dr andrew 捉住我要睇埋隻耳仔，話個傷口好深，又要'替'毛，又要洗傷口，仲話要聯針，嚇死老豆，駛咗老豆千幾蚊，媽咪話又肉痛又心痛...
後尾daddy媽咪帶返我去 npv 度睇dr lau，好彩dr lau 話唔駛聯針...都好d...

牛耳kock可以去街街啦！佢好似幾乖，我去邊都跟到實一實，尋日去寵物嘉年華，好多人走埋去'卒' 佢,話佢好cute，哼..遲d 你哋就知...

雖然kock kock 開始去街街，但係次次返到嚟都攰到tat 咗喺度

呢d相係尋日去寵物嘉年華影嘅，鳴謝︰洛威會嘅heidi姐姐

前晚去街街同d老友玩嘅時候，唔小心整親，應該係玩緊捐櫈底嗰時整親嘅，好似唔係好痛咁，daddy媽咪見到嘅時候已經成地血...嚇到佢哋死死下...